Исо хизматгори ҳақиқӣ ва комили Худо буд. Ӯ агарчи табиати илоҳӣ дошта бошад ҳам, чун хизматгор вазифаи Худро дар пеши Худо пурра иҷро кард. Исо ба воситаи ҳаёти Худ ба дигарон нишон дод, ки чӣ гуна ба Худо писанд омадан мумкин аст. Ӯ ҳаргиз аз худ намеболид, балки рӯҳи фурӯтан дошта, Худро ба иродаи Падараш тобеъ сохт.
Ин китоби дарсӣ ба омӯхтани китоби Марқӯс, ки ҳаёти Исои Масеҳ чун хизматгор нишон медиҳад, ёрӣ медиҳад. Мо низ бояд аз Ӯ ибрат гирифта, хизматгори шоистаи Худо шавем.